Shymkentte 39 259 azamat turǵyn úıge muqtaj. Bul týraly Shymkent qalasy ákiminiń qatysýymen ótken jınalysta Turǵyn úı jáne turǵyn úı ınspeksııa basqarmasynyń basshysy Ǵ.Tólepov aıtty, - dep habarlaıdy qala ákiminiń baspasóz qyzmeti.
Qýanarlyǵy, jyl sońyna deıin 450 kópbalaly otbasy, 394 áleýmettik jaǵynan osal toptaǵy azamat, 300 jas baspanaly bolady.
Aıta keteıik, aǵymdaǵy jyly "2-10-20" baǵdarlamasy boıynsha 1047 az qamtylǵan otbasy elektrondy túrde nesıe arqyly páter alýǵa ótinim bergen. Qazirgi tańda qujattardy tekserý jumystary júrgizilýde. Al "7-20-25" baǵyty boıynsha 219 azamat, "Turǵynúı qurylys jınaq banki" arqyly 73 azamat baspanaly bolǵan.
Jyl sońyna deıin "2-10-20", "7-20-25" baǵdarlamasymen bastapqy jarnanyń bir bóligine áleýmettik kómek retinde qaıtarymsyz negizde jergilikti bıýdjetten aqsha qaralyp, sertıfıkattar berý josparlanǵan.
Jalpy Shymkentte kezekte turǵandar: jetim jáne ata-ana qamqorlyǵynsyz qalǵandar – 1631, kópbalaly – 5188, áleýmettik jaǵynan álsiz top – 12829, memlekettik jáne bıýdjettik uıym qyzmetkerleri – 19585, turǵyn úıi apatty dep tanylǵan – 26 turǵyn bar.